Советот на јавни обвинители денеска треба да ја одржи својата 36. седница, на која, меѓу другото, е предвидено донесување одлука за избор на основен јавен обвинител на Основното јавно обвинителство Скопје.
За позицијата прв човек на скопското обвинителство конкурираат пет кандидати. Меѓу нив е и актуелниот шеф на ОЈО Скопје, Гаврил Бубевски, кој во минатото беше дел од Специјалното јавно обвинителство, институција што беше распуштена поради корупциски скандали.
Во Јавното обвинителство сè уште постои предмет поврзан со бонусите што биле доделувани во СЈО во милионски износи, што во изминатиот период доведе и до судир со поранешниот јавен обвинител Коцевски, при што реакција имаа и вишите обвинители Хајрулахи и Цветановски.
Покрај Бубевски, за функцијата основен јавен обвинител на ОЈО Скопје конкурираат и Тања Трајчевска, Анел Фидоски, Дејан Петрески и Спасенка Андонова.
