Општина Центар го усвои буџетот во вредност од речиси 20 милиони евра, 43 отсто се за капитални инвестиции

Советот на Општина Центар го усвои Буџетот за 2026 година. Проектиран е на приближно 20 милиони евра од кои 43 отсто се наменети за капитални инвестиции, а 57 отсто за тековни оперативни расходи.
Во делот на капиталните проекти, Општина Центар обезбеди средства за изградба на модерен дом за стари лица, нова детска градинка во близина на Клиничкиот центар, а се планира изградба на граѓанско-административна зграда.