Родителите на загинатите од кочанската трагедија бараат дополнителни вештачења

Родителите на загинатите во астрофалниот пожар во Кочани се сомневаат во токсиколошките анализи при обдукцијата. Тие сметаат дека се потребни дополнителни вештачења. Ова пред почетокот на денешното судско рочиште го изнесе Александар Наунов, татко на едно од загинатите деца.

Тој искажа сомнеж дека причина за смрт е и присуството на цијанид во телата на загинатите, но тоа, како што рече не е утврдено со форензичките анализи на МВР.

Според анализите на кои се повикува Обвинителството, како што рече Наунов, смртта на жртвите настапила како последица на труење со јаглероден моноксид.

Инаку, во судницата во Идризово денеска продолжи судскиот процес за кочанската трагедија во која на 16 март годинава загинаа 63 лица, а повеќе од 200 беа повредени.

Поврзани вести:

Почнува судењето на судијата Ѓоко Ристов за парите пронајдени во куќата на неговите родители

Судењето за пожарот во „Пулс“: Сведоци тврдат дека учествувале во евакуацијата

Премиерот Христијан Мицкоски учествува на Самитот на Берлинскиот процес во Црна Гора

По бегството во Бугарија, Ива Михаилова ќе биде судена во отсуство

Муцунски со францускиот министер Хадад: Разговарале за европскиот пат на Македонија

Министерството за јавна администрација предлага реформа на државната управа