Улица Македонија во центарот на Скопје е репрезентативниот дел од градот. Тоа е пешачката зона, тоа е местото каде поминуваат сите туристи, тоа е огледалото како функционира градот.
И што покажува огледалото треба да погледнат и градоначалникот на Скопје и градоначалникот на Центар. Многу работи таму треба да се поправат. Расклатени плочки, клупи на кои им треба поправка, споменици на кои им треба чистење, искршени туристички табли… многу работи мора да се средат. Да се подзачисти малку повеќе исто така е потребно, ако и повеќе нови канти за ѓубре треба да се стават. Има и вишок на разни тезги, препродавачи…
Да ја споменеме и големата дупка која зјае несредена на популарниот Рекорд. Но, да не тргнуваме во разглед по останатиот дел од Центар, засега ова да се среди е добро за почеток на новите градоначалнички мандати.
