Во ЈЗУ Геронтолошки завод Скопје успешно беше одбележан „Мовембер“, месецот посветен на машкото здравје и превенцијата од карцином на простата. Во рамки на активностите беа извршени ЕХО и уролошки прегледи на повеќе од 70 пациенти.
Директорката на установата, Ленче Нелоска, на својот Фејсбук-профил изрази благодарност до медицинскиот персонал кој учествувал во акцијата, меѓу кои д-р Дарко Марковски, д-р Марика Филипова и д-р Марија Сековска, како и до сите вработени кои го посветиле денот на грижата за здравјето на граѓаните.
Нелоска упати јавна благодарност и до градоначалниците на Општина Ѓорче Петров, Александар Стојкоски, и Општина Карпош, Сотир Лукровски, за постојаната поддршка на превентивните активности и унапредувањето на здравјето во заедницата.
