ДУРИ и на најубавите свадби понекогаш се случуваат непредвидени ситуации, мали грешки или уште поголеми инциденти.
Необичен свадбен инцидент во Романија стана вирален и предизвика вистинска бура на социјалните мрежи. На TikTok се појави видео од свадба, каде невестата во бела венчаница и младоженецот со нетрпение го чекаат почетокот на церемонијата, а полицијата одеднаш влегува во салата и ѝ става лисици на невестата.
Реакција на гостите и музичарите
Невестата не се спротивставила на апсењето, таа мирно отишла со полицијата, додека музичарите и гостите биле изненадени и го снимале настанот со своите мобилни телефони. Атрактивната пејачка продолжила да ги забавува гостите, речиси како да не се случува ништо необично.
Видеото предизвика бројни коментари:
„Што се случи? Зошто ја уапсија невестата?“
„Господе боже, не можеа ли да почекаат додека не се омажи, а потоа да ја одведат?“
@irinalepa 👮♀️ Politiaaaa 🥴 Nunticicaaaaa 😂❤️🌺👌 #irinalepa #nunta #constanta #foryou #fyp ♬ sunet original – Irina Lepa
„Не разбирам, дали таа се омажи или беше уапсена пред церемонијата?“
Објаснување: Романски свадбен обичај
Корисник на социјалните мрежи објаснил дека станува збор за традиционален романски обичај: пред невестата да стане сопруга, полицијата симболично ја „апси“, а младоженецот мора да ја „купи“ нејзината слобода за да се заврши свадбата. Овој ритуал е дел од локалните обичаи и ваквите сцени не се ретки во Романија.
Многумина биле изненадени и ги споделиле своите мислења:
„Каков црн обичај! Ова е понижувачки“.
„Апсење невеста на денот на нејзината свадба? Никогаш не сум слушнал за нешто слично“.
„Слушнав дека невестата понекогаш бега, но не знаев дека ја апсат“.
Ова вирално видео стана тема на дискусија низ целиот интернет, а необичните свадбени обичаи во Романија продолжуваат да ги интригираат луѓето од целиот свет. Приказната нè потсетува дека секоја култура има свои ритуали, и тоа што може да изгледа шокантно однадвор, но во локалниот контекст има длабоко симболично значење.
Фото: Принтскрин/TikTok
