Од пристигнатите 25 случаи, Интерната комисија за кардиолошки и кардиохируршки интервенции анализирала 19, а кај 10 случаи утврди дека операциите биле извршени непотребно. Оваa загрижувачка вест ја соопшти денеска министерот за здравство Азир Алиу, кој додаде дека комисијата утврдила дека шест од случаите треба да се испратат до Државниот санитарен и здравствен инспектора, бидејќи таа не е надлежна.
Претседавачот на комисијата, Жарко Христовски рече дека во оваа првична фаза анализирале само потреба од реваскуларизација кај пациенти кои имаат васкуларна болест, а сите други пациенти ќе се анализираат по пријава или при следната фаза од нивното работење. Во оваа фаза вели тој дека нема да откријат во кои болници се откриени неправилностите и најави конечен, комплетен извештај откога ќе го даде ставот и меѓународната комисија.
За потсетување: сето ова истражување се прави откако познатиот кардиохирурхот Сашко Кадев обзнани дека во некои приватни болници се вршат непотребни хируршки интервенции за да се дојде до поголем профит.
