Постар маж херојски спречил напаѓач со нож да убие младо девојче, додека жртвите на нападот во возот на хоророт во Англија, се обидувале да се одбранат.
Ова се дел од сведочењата на патниците во возот, по синоќешниот напад на двајца мажи кои со нож ги колеле патниците. Тие опишуваат како еден од патниците подметнал глава за да ја спаси девојката во крвавото насилство во возот кој се движел од Питерборо кон Лондон. Спасувачот се здобил со сериозни исекотини на главата и вратот.
Сведокот, еден од патниците, Оли Фостер за BBC изјави: „Кога стигнав до крајот на вагонот, бевме околу шест лица на самиот крај. Таму беше девојка, која беше навистина во лоша состојба бидејќи напаѓачот се обидеше да ја прободи со нож. Еден повозрасен човек, апсолутен херој, го блокираше ударот со глава. Дадовме дел од нашите јакни за да се успори крвавењето“, изјави Фостер.
Фостер, кој седел во вагон, раскажа дека луѓето кои трчале низ вагон оставале „траги од крв по целите седишта“. Тој рекол дека слушнал за нападот кога повредените патници трчале низ вагон предупредувајќи: „Трчајте, трчајте, таму е човек кој буквално сите ги напаѓа“. Тој првично помислил дека некој се шегува за „Ноќта на вештерките“. Инцидентот траел околу 10 до 15 минути, иако нападот „се чинел како вечност“, додал Фостер.
Мотивот за нападот, како што веќе објавивме, не е познат, но британската антитерористичка полиција го истражува случајот.
Имено, двајца мажи облечени во црно биле приведени, откако полицијата ги онеспособила со електрошокер по запирањето на возот на станицата Хантингдон.
Десет лица се пренесени во болница, а девет од нив се со сериозни повреди опасни по животот.
Додади Коментар