Осумдесет и четиригодишна жена е тешко повредена во сообраќајна несреќа што се случила во Охрид.
Според информациите од МВР, несреќата била пријавена на 6 јули во 21:12 часот на улицата „Јане Сандански“, каде што патничко возило „Хјундаи“ со охридски регистарски таблички, управувано од С.Д. (74) од Охрид, удрило во пешакот М.Т. (84), исто така од Охрид.
Во несреќата, пешакот се здобил со тешки телесни повреди, кои биле констатирани во Специјалната болница за ортопедија и трауматологија „Св. Еразмо“ во Охрид.
Увид на местото на настанот извршила екипа на СВР Охрид.
Поврзани вести:
МОЖЕБИ ЌЕ ВЕ ИНТЕРЕСИРА: