400 митаџиски евра во џебот, го однесоа директорот Стоилев во „Шутка“

Судија на претходна постапка го прифатил предлогот на обвинителството и за осомничените Џ.Н.(77), А.Ф.(44), и Ф.Ф.(47) и И. С.(57) определи мерка притвор од 30 дена. За петтоосомничена, Ј.К.(35), определен ѝ е куќен притвор. Според обвинението, првосомничениот како управител на правно лице, му ветил подарок или парични средства од значителна вредност на директорот на Агенцијата за финансиска поддршка на земјоделство Илија Стоилев за да потпише договор за средства од европските фондови.
Останатите осомничени, вработен во УЈП и еден во Министерството за земјоделство, го искористиле своето влијание и службената положба за да го поттикнат директорот да потпише договор за финансиска поддршка, иако правното лице не ги исполнувало условите од јавниот повик.
Директорот Илија Стоилев, по ветеното мито од 50.000 евра, потпишал договор, ама добил само примил 400 евра. Токму тие пари биле пронајдени кај него при претрес, по што бил уапсен од полицијата.