Општина Прилеп објави јавен повик за еднократна финансиска поддршка од 3.000 денари за секое дете запишано во прво одделение во основните училишта на територијата на општината.
Оваа година мерката за првпат се реализира со цел да им се помогне на семејствата и да се олеснат трошоците поврзани со почетокот на основното образование.
Родителите и старателите од денеска, 2 септември 2026 година, можат да ги поднесат барањата за остварување на финансиската поддршка.
Рокот за аплицирање е до 18 септември
Заинтересираните родители и старатели ќе можат да аплицираат најдоцна до 18 септември 2026 година.
Во јавниот повик се наведени условите што треба да се исполнат, потребната документација, начинот на поднесување на барањето, како и образецот што треба да се пополни.
Општина Прилеп информира дека сите детали за мерката се достапни во целосниот јавен повик објавен на официјалната веб-страница на општината.
Од локалната самоуправа посочуваат дека со оваа мерка сакаат да обезбедат конкретна поддршка за семејствата и да им го олеснат почетокот на новото поглавје на најмладите жители.
Градоначалникот на Општина Прилеп, Дејан Проданоски, упати порака до првачињата, посакувајќи им многу убави моменти, нови знаења и успеси во нивното училишно патување.
Линк за аплицирање тука
