Денеска се навршуваат 17 години од една од најтешките трагедии на Охридското Езеро, кога при потонувањето на бродот „Илинден“ животот го загубија 15 бугарски туристи.
Несреќата се случи на 5 септември 2009 година околу 10:30 часот, кога бродот „Илинден“, кој превезувал 57 патници на релацијата Охрид – Свети Наум, се преврте и потона на околу 250 метри од брегот, кај автокампот „Елешец“.
Жртвите беа туристи од Бугарија, жители на општините Антон, Пирдоп, Златица, Мирково и Рибарица.
По несреќата, бродот „Илинден“ беше извлечен од езерските води на 19 септември 2009 година и одвлечен до каналот Студенчишта, каде што се наоѓа и денес како потсетник на трагичниот настан во кој беа изгубени 15 човечки животи.
Трагедијата останува еден од најболните моменти во поновата историја на Охрид и Македонија, а годишнината повторно потсетува на потребата од највисоки стандарди за безбедност во пловидбата и туризмот.
