Заврешена е првата фаза од преговорите меѓу САД и Иран. Делегациите на двете држави во моментов разменуваат пишани изјави со потврда на она што е договорено денес.
Според информации од странски медиуми, во просторијата каде што се водат разговорите се наоѓаат и пакистанскиот премиер Шехбаз Шариф и командантот на армијата, фелдмаршалот Асим Мунир.
Според неофицијални информации, поместувања има во однос на израелските напади во Либан, одмрзнувањето на иранските средства, состојбата во Ормускиот теснец и уште неколку прашања.
Информациите доаѓаат од повеќе официјални лица кои сакале да останат анонимни, бидејќи пакистанските власти добиле насоки да не настапуваат во медиумите за да не се создаде впечаток дека земјата е поврзана со исходот од разговорите.