Бојан Миовски го постигна својот прв гол во новата сезона и на најдобар можен начин му донесе победа на Ренџерс во дуелот против Сент Мирен.
Македонскиот репрезентативец доби шанса од клупата во завршницата на натпреварот, а само неколку минути по влегувањето на теренот се запиша во листата на стрелците.
Во самиот финиш Миовски доби одлична топка во простор, побегна од противничката одбрана и излезе сам пред голманот на Сент Мирен.
Наместо силен удар, македонскиот напаѓач се одлучи за мајсторски лоб и со прецизна завршница ја испрати топката во мрежата, носејќи му триумф на својот тим.
Ова е прв погодок на Миовски во новата сезона и одличен сигнал за неговата форма во пресрет на претстојните натпревари на Ренџерс и македонската репрезентација.
Miovski breaks the deadlock with the goal in added time!! 🔥🔥🔥#rangersfc pic.twitter.com/XtcvZybOmd
— Joel Kim (@KNTFootball) September 9, 2026
