Времето денеска ќе биде претежно облачно со повремени локални врнежи од дожд, а на планините од снег. Во источните делови од земјата се очекуваат пообилни врнежи, над 25 литри на квадратен метар во текот на 24 часа.
Минималната температура ќе се движи од 2 до 7 степени, додека максималната дневна температура ќе достигне од 4 до 9 степени, соопшти Управа за хидрометеоролошки работи.
Во Скопје времето ќе биде облачно со повремени врнежи од дожд. Минималната температура ќе се спушти до 3 степени, а максималната ќе достигне до 6 степени.
Од УХМР информираат дека утре ќе има повремени локални врнежи од дожд, кои наместа во источните делови ќе бидат пообилни. На планините врнежите ќе бидат од снег, при што ќе се формира снежна покривка до 15 сантиметри.
Поради продор на постуден воздух од север, врнежите од дожд ќе преминуваат во снег и на дел од повисоките места. Од петок се очекува стабилизирање на временските услови.
