МВР Апелира до граѓаните да не наседнуваат на лажни пораки во име на директорот на БЈБ и од Единицата за сајбер безбедност.
-Во Министерството за внатрешни работи деновиве пристигнуваат пријави од граѓани за добиени електронски пораки , пристигнати во име на директорот на Бирото за јавна безбедност, Александар Јанев. Целта на лажните пораки е примачот на пораката да се регистрира преку мејл и да ги даде неговите лични податоци, алармираат од Министерството за внатрешни работи.
МВР ги известува граѓаните дека станува збор за лажна порака што не е испратена од страна на БЈБ – МВР ниту од Одделението за кибер криминал и безбедност. Се апелира на внимателност, овие пораки да не се отвораат, да не се контактира испраќачот и никако да не се споделуваат личните податоци што ги бараат измамниците.
