Полициските билтени во Македонија се полни со откриени криумчарења на марихуана. Речиси и да нема ден МВР да не посочи некој нов улов на криминалци со цели пакети полни со лисјата, цветните делови и семето на ова растение.
Пред два дена ,три лица од Скопје се уапсени, а транспорт на дури 150 килограми марихуана е пресечен од полицијата кај Свети Николе. Криумчарите биле сериозно организирани и подготвени.
Ден претходно лишен од слобода е 37-годишник од Скопје, кај кого биле пронајдени две патнички торби со марихуана, а во друг случај бил уапсен и 21-годишен тетовчанец сосе марихуаната.
Дека марихуаната е сеприсутна покажува и случајот од истиот ден кога во затворот во Битола била пронајдени неколку пакувања со марихуана.
Два дена пред тоа уапсен е возач од Куманово во чие возило пронајдени се над пет килограми марихуана.
Може уште да се редат примери на откриена дрога во само тие два – три дена. Просто на човек да му се чини дека халуцинира иако не пробал од марихуаната.
Од една страна добро е што полицијата успева да открива криумчари, но од друга страна останува прашањате колку ли криминалци се се уште се неоткриени. МВР треба да ги засили своите акции, премногу марихуана шета низ Македонија.
