Романец насилно одзел златен ланец од скопјанец

41-годишишен Романец е осомничен дека на 21 март годинава извршил кривично дело „Тешка кражба“ во скопската општина Ѓорче Петров.

Според обвинителството, осомничениот насилно одзел златен ланец со крст од еден човек, тргајќи му го од вратот, а потоа почнал да претура по полицата во дневната соба, ја отворил фиоката и одзел 2.500 денари.

Со оглед на тоа дека станува збор за странски државјанин, без регулиран престој, од обвинителството била побарана мерка притвор.