Пронајдено е телото на 16-годишната Теодора Бабариќ, која исчезна во реката Вардар кај Градско. Вклучени беа МВР и единицата „Волци“.
Трагичен крај ја одбележа потрагата по 16-годишната Теодора Бабариќ која исчезна во реката Вардар на 24 јули. Вчера, во 12.10 часот, нејзиното тело беше пронајдено во водите на реката во близина на Старо Градско, соопшти Министерството за внатрешни работи.
Во потрагата по Теодора учествуваа припадници на Министерството за внатрешни работи, како и специјалната единица „Волци“ на Армијата. Исчезнувањето беше пријавено од нејзината сестра преку итниот број за повици, по што веднаш започнаа спасувачките активности.
На самото место е извршен увид, а по наредба на јавен обвинител телото е предадено на обдукција за понатамошно утврдување на причините за смртта. Покрај Теодора, беше пријавено и исчезнување на 26-годишна жена, која за среќа беше пронајдена жива.
