Делови од општините Гази Баба и Илинден денеска ќе останат без електрична енергија поради планирани зафати на електродистрибутивната мрежа, информираат од ЕВН.
Во општина Гази Баба, прекин на снабдувањето ќе има од 08:30 до 11:30 часот за корисниците на улиците „Ордан Чопела“ и „Иван Наумов Алабакот“. Причина за прекинот се планирани активности за чистење и проверка на расклопната опрема, како и долевање масло во кабловските глави и трансформаторот.
Во општина Илинден, селото Мралино ќе биде без електрична енергија во периодот од 08:40 до 10:40 часот поради интервенција на 10-киловолтен далновод.
Дополнително, од 12:00 до 15:00 часот, прекин во снабдувањето ќе има и на дел од улицата „Благоја Стефковски“ и улицата „Анри Барбис“ во Гази Баба, поради работи во трафостаницата „Маџари 8“.
Од ЕВН апелираат корисниците навреме да ги приспособат своите активности согласно најавените прекини.
