Времето денеска ќе биде променливо облачно со повремени локални врнежи од дожд, кои особено попладне и во текот на ноќта на повеќе места ќе бидат поинтензивни. Според прогнозата на Управата за хидрометеоролошки работи, локално се очекуваат поројни врнежи проследени со грмежи.
Во одделни котлини во утринските часови ќе има услови за појава на магла, а ќе дува слаб до умерен ветер од јужен правец.
Утринската температура ќе се движи од 8 до 13 степени, додека дневната ќе достигне од 19 до 24 степени.
Во Скопје времето ќе биде променливо облачно, а попладне и во текот на ноќта се очекуваат повремени врнежи од дожд. Во делови од котлината врнежите ќе бидат поројни и проследени со грмежи. Ќе дува слаб до умерен ветер од променлив правец, а температурата ќе се движи од минимални 11 до максимални 22 степени.
Според најавите, во петок во утринските часови ќе има повремен локален дожд, а преку ден ќе дува умерен до засилен ветер од северен правец.
Во сабота се очекува стабилно време, додека од недела следува период со променливо облачно и посвежо време, проследено со повремени локални врнежи од дожд.
