Поради планирани технички интервенции на електродистрибутивната мрежа, денеска делови од Скопје ќе бидат без електрична енергија, информираат од ЕВН Македонија.
Според најавата, прекините ќе се реализираат во неколку временски интервали и ќе опфатат делови од општините Аеродром и Чучер Сандево.
Од 09:00 до 14:00 часот без струја ќе останат дел од корисниците на главната улица „Тодор Чангов“ број 28 и дел од улицата „Данка Фирфова“ во населбата Лисиче, во општина Аеродром.
Во периодот од 09:30 до 13:00 часот прекин во снабдувањето со електрична енергија ќе имаат дел од жителите на селото Глуво – Бразда, во општина Чучер Сандево.
Од 10:00 до 13:00 часот без струја ќе бидат и дел од корисниците во викенд-населбата Побожје, во близина на црквата „Пресвета Богородица“, исто така во општина Чучер Сандево.
Од ЕВН апелираат до граѓаните да имаат разбирање за планираните активности, кои се спроведуваат со цел одржување и подобрување на сигурноста на електродистрибутивната мрежа.
