Во реновираната фискултурна сала во ООУ „Коле Неделковски“ детската недела одбележана со спорт и игра

Во обновената фискултурна сала во основното училиште „Коле Неделковски“ во Општина Центар со спортски активности и многу игра, беше одбележана Детската недела, а им се придружи и градоначалникот Горан Герасимовски.

Просторот во салата од 350 квадратни метри, која со децении беше во незавидна состојба, сега е целосно трансформиран во современ и безбеден амбиент со одлични услови за наставата по физичко образование и за рекреација.