Дел од Карпош денеска без вода поради интервенција на водоводната мрежа

Жителите на дел од скопската општина Карпош денеска ќе останат без водоснабдување поради интервенција на водоводната мрежа.

Од ЈП „Водовод и канализација“ – Скопје информираат дека прекинот е поради промена на затворач со профил ф-100 милиметри на улицата „Миладин Поповиќ“ бр. 15.

Без вода ќе бидат корисниците од улицата „Миладин Поповиќ“, како и дел од жителите на улиците „Орце Николов“, булевар „Илинден“, „Никола Тесла“ и „Мирка Гинова“ во населбата Карпош 1.

Прекинот започнува од 10:00 часот и ќе трае до завршување на работните активности, информираат од претпријатието.