Едно дете го загуби животот, а најмалку пет лица се повредени во руските воздушни напади врз Киев и околината што се случија рано утринава, соопштија украинските власти.
Според информациите, нападите предизвикале пожари во повеќе делови од градот, при што биле зафатени приватни куќи, како и објекти во близина на продавница и магацин.
Градоначалникот на Киев, Виталиј Кличко, преку платформата „Телеграм“ информираше дека во градот биле регистрирани експлозии, а екипите на надлежните служби интервенирале на погодените локации.
Началникот на Киевската област, Тимур Ткаченко, соопшти дека во нападот со ракети и беспилотни летала во регионот загинало дете, а тројца луѓе биле повредени.
Во нападите биле оштетени и инфраструктурни објекти, куќи, магацини и возила. Спасувачките екипи продолжуваат со работа на терен, а властите дополнително ги утврдуваат последиците од нападот.
