Пешак тешко повреден откако го удрил автомобил на автопатот кај Мирковци

63-годишен пешак се здобил со тешки телесни повреди откако бил прегазен од автомобил на автопатот „Мајка Тереза“, во близина на клучката „Мирковци“.

Од Министерството за внатрешни работи информираат дека несреќата се случила на 18 септември околу 14:00 часот. Според пријавата, патничко возило „Фолксваген голф“ со скопски регистарски ознаки, управувано од 20-годишниот М.А. од Скопје, удрило во пешакот С.Б. (63) од Скопје.

Во несреќата пешакот се здобил со тешки телесни повреди, кои биле констатирани во Градската општа болница „8 Септември“.

На местото на настанот увид извршила увидна екипа од СВР Скопје, а се работи на целосно расчистување на околностите под кои се случила сообраќајната несреќа.