Ирска официјално нема да биде дел од Изборот за песна на Евровизија во 2027 година, соопшти ирскиот јавен радиодифузен сервис RTÉ, образложувајќи ја одлуката со хуманитарната криза и страдањата на цивилното население во Газа.
Од RTÉ наведоа дека учеството на Ирска на музичкиот натпревар не може да се оправда во услови на, како што велат, „ужасно и непрекинато страдање“ на луѓето во Газа и продолжената хуманитарна криза која влијае врз голем број цивили.
„Одлуката е донесена по внимателно разгледување на актуелната ситуација“, соопшти ирскиот радиодифузер, пренесува „Ројтерс“.
Ирска е втората земја која официјално потврди дека нема да настапи на Евровизија 2027. Претходно истото го направи и Холандија.
Холандскиот јавен радиодифузер AVROTROS во август соопшти дека натпреварот не може да се смета за целосно неутрален додека во него учествува земја која е дел од голем вооружен конфликт.
Бојкотите на Евровизија започнаа на претходното издание во 2026 година, кога пет држави – Ирска, Холандија, Исланд, Словенија и Шпанија – одлучија да не учествуваат на натпреварот.
