Украинските сили извршија голем напад со дронови врз рускиот црноморски град Сочи, при што во повеќе делови биле регистрирани експлозии и пожари.
Снимки објавени од жители прикажуваат експлозии и најмалку еден голем пожар, додека локалните власти потврдија дека била активирана руската противвоздушна одбрана.
Сочи се наоѓа во Краснодарскиот крај, на околу 650 до 700 километри од територијата под контрола на Украина. Нападот следува по серијата украински удари врз областа, откако на 10 септември поморски дрон ја оштетил градската крајбрежна зона, а на 4 септември биле погодени руски воен брод и складиште за нафта.
Украинскиот претседател Володимир Зеленски претходно најави засилување на нападите со беспилотни летала врз цели на руска територија. Засега нема целосни официјални информации за размерите на штетата и евентуални жртви во последниот напад.
