Поранешниот директор на „Државна лотарија“, Перпарим Бајрами, кој беше осомничен за проневера и злоупотреба на службената положба, утринава сам се предал на надлежните органи, откако подолг период беше недостапен за органите на прогонот.
Како што информираат надлежните, Бајрами од Куманово, роден на 10 февруари 1993 година, во 05:35 часот пеш и самоволно се пријавил кај службите.
По него претходно беше распишана мерка „апси“ по барање на СМПС – Одделението за потраги, согласно член 354 став 5 од Кривичниот законик.
Откако мерката била потврдена, Бајрами бил лишен од слобода и ќе биде спроведен во понатамошна постапка пред надлежните органи.
Со неговото предавање, поранешниот директор на „Државна лотарија“ е второто лице од случајот кое по бегство се стави на располагање на органите на прогонот, поранешниот прв вицепремиер Артан Груби.
Груби, кој исто така повеќе од една година беше недостапен, се предаде на граничниот премин Блаце во февруари годинава, по што му беше определен куќен притвор.
Во случајот, покрај Бајрами и Груби, обвинети се уште шест лица. Судењето за предметот продолжува во петок.
