Ѕвездата на Пари Сен Жермен, Осман Дембеле, смета дека наградата за најдобар фудбалер во светот и оваа година треба да остане во редовите на францускиот шампион, но неговиот личен избор предизвика внимание кај фудбалската јавност.
Дембеле, кој и самиот е меѓу главните кандидати за престижното признание, верува дека „Златната топка“ повторно ќе заврши во рацете на фудбалер на ПСЖ.
„Не мислам дека оваа награда е отворена. Мислам дека ќе остане во рацете на фудбалер на ПСЖ“, изјави францускиот репрезентативец.
Сепак, кога требаше да ги избере своите три фаворити, Дембеле не се вклучи себеси во изборот. Неговите фаворити се Хвича Кварацхелија, Хари Кејн и Килијан Мбапе.
„Никогаш не се ставам себеси во вакви работи. Ако јас гласам, не гласам за себе“, објасни Дембеле.
Покрај тројцата главни кандидати, тој посочи уште неколку имиња кои според него заслужуваат внимание. Меѓу нив се Мајкл Олисе, Ламин Јамал и Фабијан Руиз, а посебно го истакна и својот соиграч од ПСЖ, Вилијан Пачо.
„Пачо исто така. Се надевам дека годинава нема да го заборавиме“, порача Дембеле.
Новата награда за најдобар фудбалер во светот ќе биде доделена на 26 октомври во Лондон, кога ќе биде познат наследникот на Дембеле, кој минатата година ја освои „Златната топка“ по фантастичната сезона со ПСЖ.
Минатогодишниот пласман зад него го сочинуваа Ламин Јамал и Витиња, кои завршија на второто и третото место.
