Охриѓанец тешко повреден по пад со електричен тротинет, имал 2,12 промили алкохол во крвта

Дваесет и деветгодишен жител на Охрид е тешко повреден откако изгубил контрола над електричен тротинет и паднал на коловозот.

Според информациите од Министерството за внатрешни работи, несреќата се случила на 7 септември околу 23:30 часот на улицата „Марко Нестороски“ во Охрид.

Во СВР Охрид било пријавено дека Ј.Т. (29) од Охрид, управувајќи електричен тротинет, изгубил контрола и паднал.

По несреќата, тој бил пренесен во Специјалната болница „Св. Еразмо“ во Охрид, каде му биле констатирани тешки телесни повреди.

При увидот и преземањето на мерки од страна на полициските службеници било утврдено дека возачот го управувал тротинетот под дејство на алкохол. Кај него било констатирано присуство на 2,12 промили алкохол во крвта.

Поврзани вести:

Скопски таксист приведен поради грабеж на кинески турист, му барал повисока цена за превоз

Скопјанец ранет со огнено оружје на влезот во Арачиново, полицијата трага по напаѓачот

Уапсена 51-годишна скопјанка, осомничена дека предизвикала пожар во Центар

Уапсен 48-годишен маж, осомничен за уцена и објавување експлицитни снимки

Семејна расправија во Крива Паланка: Малолетник го нападнал својот 24-годишен полубрат

Под контрола се пожари околу Скопје, активни остануваат три жаришта во државата