Њукасл продолжува активно да го гради тимот за иднината. Англискиот премиерлигаш му дозволи на Ник Волтемаде да замине на позајмица во Јувентус, но веднаш реагираше на трансферниот пазар и обезбеди засилување во нападот.
„Црно-белите“ денеска официјално го потврдија ангажманот на Матијас Фернандез-Пардо од Лил, трансфер кој, според информациите, ќе го чини клубот околу 60 милиони евра.
Од младиот белгиски напаѓач на „Сент Џејмс Парк“ очекуваат голем придонес и веруваат дека тој може да стане една од важните фигури во офанзивниот дел од тимот.
Фернандез-Пардо има само 21 година, но веќе остави впечаток во францускиот фудбал. Тој откри дека главната причина поради која ја прифатил понудата од Њукасл бил разговорот со менаџерот Матијас Јајсле, кој успеал да му го претстави проектот и визијата на клубот.
Белгискиот интернационалец е познат по својата разновидност во нападот, бидејќи може да настапува на повеќе позиции – карактеристика која дополнително го зголемила интересот на Њукасл.
Интересно е што клубот го следел Фернандез-Пардо уште во периодот кога тимот беше предводен од Еди Хау, а желбата за негов ангажман останала и по промените во стручниот штаб.
Младиот фудбалер не настапи на последното дерби на Лил против Пари Сен Жермен, што беше дополнителен сигнал дека францускиот клуб е подготвен да го пушти да замине, но само под услови кои финансиски ќе му одговараат.
Со овој трансфер Њукасл продолжува со стратегијата за доведување млади и перспективни играчи кои треба да бидат носители на тимот во наредните сезони.
