Контролата врз Ормускиот теснец станува едно од клучните прашања во конфликтот со Иран, а најновите податоци покажуваат дека Техеран губи дел од влијанието врз овој стратешки поморски пат.
Според компанијата „Кплер“, повеќе од 80 проценти од бродовите во последните две недели минувале по оманската рута, спротивно на барањата на Иран и со ветена заштита од американската морнарица.
Американските власти тврдат дека транспортот на нафта преку теснецот и околните рути достигнал околу 15 милиони барели дневно, приближувајќи се донпредвоеното ниво од околу 20 милиони.
Американскиот претседател Доналд Трамп тврди дека САД имаат целосна контрола врз Ормускиот теснец, но продолжувањето на иранските напади покажува дека таквата контрола сепак не е целосна.
Аналитичарите оценуваат дека Иран сè уште има капацитет да го загрозува сообраќајот, но неговата способност да ја диктира пловидбата низ Ормускиот теснец значително ослабела.
