Трамп: Иран сака договор, но не ги прифаќа условите на САД

Американскиот претседател Доналд Трамп изјави дека Иран сака договор со САД за својата нуклеарна програма, но сè уште не е подготвен да ги прифати американските услови.

Трамп порача дека главната цел на
Вашингтон останува иста – Иран да не поседува нуклеарно оружје. „Тие сакаат да постигнат договор, но не од типот што јас верувам дека е неопходен“, изјави американскиот претседател.

Тој се осврна и на улогата на Оман во дипломатските напори и повторното отворање на Ормускиот Теснец, оценувајќи дека земјата не се однесувала на најдобар начин.

Сепак, Трамп порача дека САД можат да се справат со ситуацијата и повтори дека нема да дозволат Иран да развие нуклеарно оружје.