Манчестер Сити подготвува голем трансфер до крајот на летниот преоден рок и во фокусот на англискиот вицешампион е играчот од средниот ред на Челзи, Енцо Фернандез.
Според информациите на британските медиуми, „граѓаните“ се подготвени да започнат преговори за аргентинскиот репрезентативец, но Челзи нема намера лесно да се откаже од еден од своите најважни фудбалери. Се наведува дека лондонскиот клуб ќе седне на преговарачка маса само доколку добие понуда од најмалку 130 милиони фунти, а во дел од извештаите се споменува дека Челзи ја проценува неговата вредност на околу 120 милиони фунти или повеќе.
Доколку дојде до реализација на трансферот, тоа би бил еден од најскапите договори во историјата на англискиот фудбал.
Енцо Фернандез пристигна во Челзи во 2023 година по освојувањето на светската титула со Аргентина и брзо се наметна како еден од клучните играчи во средниот ред на лондонскиот клуб.
Останува да се види дали Манчестер Сити ќе испрати официјална понуда која ќе ги задоволи финансиските барања на Челзи пред затворањето на летниот преоден рок.
