Две лица викендов се пронајдени починати во своите домови, а две лица загинаа во трагични сообраќајни несреќи на патиштата во државава, информира МВР.
Вчера вечер, скопјанка на возраст од 45 години е пронајдена почината во стан на подрачјето на Карпош. Според полицијата, лекар од Итната медицинска помош констатирал смрт, а по насоки на јавен обвинител, телото на починатата е предадено на обдукција.
Во својот дом во Штип викендов е пронајден починат 38-годишен штипјанец, без видливи траги на насилство. По наредба на јавен обвинител, телото е предадено на обдукција, соопшти штипската полиција.
Во саботата во сообраќајна несреќа на магистралниот пат Гостивар–Кичево дошло до судар на две возила при што загина 63-годишен скопјанец, додека другиот возач е тешко повреден и пренесен во Ургентниот центар во Гостивар за укажување лекарска помош.
Истиот ден, на влезот во село Брајчино, ресенско, 44-годишен мотоциклист од село Љубојно, изгубил контрола над мотоциклот со ресенски регистарски ознаки и излетал од патот. Од здобиените повреди, мотоциклистот починал на местото на несреќата, а лекар од Итната медицинска помош констатирал смрт.
