Со порастот на дневните температури, значително се зголемува и опасноста
од појава на пожари на отворен простор, покажуваат податоците од Системот за шумски пожари, соопшти директорот на Центарот за управување со кризи, Мухамет Али. Според индексот за опасност од пожари (FWI), во
попладневните часови источниот, централниот и јужниот дел на државата се во зона со многу висок ризик од брзо ширење на пожари со голем интензитет.
Во останатите региони опасноста е оценета како висока, додека единствено на повисоките планински предели индексот е низок или многу низок.
Од ЦУК апелираат граѓаните да бидат исклучително внимателни и да избегнуваат активности што можат да предизвикаат пожар. Надлежните служби продолжуваат внимателно да ја следат состојбата и да реагираат при
секоја појава на пожар.
