Полицијата при одделни акции во Скопје пронајде кокаин и марихуана, при што се уапсени четири лица, меѓу кои и 16-годишна малолетничка. Во Карпош, при претрес во домот на 42-годишен скопјанец, биле пронајдени кокаин, марихуана, дигитална вага со траги од кокаин и други предмети за кои постои сомнение дека потекнуваат од кривично дело.
Во посебна акција на улицата „Букурешка“ биле приведени уште две 23-годишни лица и една 16-годишна малолетничка, а кај едно од нив биле пронајдени поголема количина марихуана и кокаин. Сите приведени се задржани во полициска станица, а по целосното документирање на случаите против нив ќе бидат поднесени соодветни кривични пријави по брза постапка.
Од Министерството за внатрешни работи информираат дека акциите се дел од континуираните активности за сузбивање на недозволената трговија со дрога.
