Реал Мадрид официјално ја потврди продолжената соработка со Винисиус Жуниор, кој потпиша нов договор и ќе остане во редовите на „кралскиот клуб“ до 30 јуни 2032 година.
Со потпишувањето на новиот договор завршија сите шпекулации околу иднината на бразилскиот репрезентативец, кој и во наредните години ќе биде еден од главните носители на играта на мадридскиот гигант.
„Реал Мадрид и Винисиус Жуниор постигнаа договор за продолжување на соработката, со кој фудбалерот ќе остане во клубот до 30 јуни 2032 година“, соопштија од шпанскиот великан.
По потпишувањето на договорот, Винисиус не ја криеше радоста што ќе продолжи да го носи дресот на клубот во кој се изгради во една од најголемите светски фудбалски ѕвезди.
„Осум години на ‘Бернабеу’ се многу малку. Уште шест години и засекогаш, Реал Мадрид“, порача Бразилецот.
Продолжувањето на договорот претставува голема победа за Реал Мадрид, кој успеа да го задржи еден од своите највредни фудбалери и играч околу кого ќе ја гради иднината на тимот.
Според шпанските медиуми, задоволен од ваквиот развој на настаните е и тренерот Жозе Мурињо, кој инсистирал клубот да ја продолжи соработката со Винисиус, сметајќи го за еден од најважните играчи во тимот и клучен адут во борбата за најголемите трофеи.
