Најмалку 15 лица загинаа, а 51 се повредени во руски напад со балистички проектили и дронови врз Киев и околината, соопштија украинските власти. Според Државната служба за вонредни состојби, 14 лица загинале во Киевската област, додека во самиот главен град животот го загубило едно лице. Нападите предизвикале пожари и голема материјална штета во неколку градски општини и околните населени места.
Градоначалникот Виталиј Кличко изјави дека дел од повредените се во критична состојба, а спасувачките екипи и понатаму трагаат по луѓе затрупани под урнатините. Проектил погодил и 20-катна станбена зграда, при што избувнал голем пожар, а оштетени се и повеќе магацини и возила. За време на нападот украинските воздухопловни сили повеќепати предупредувале за нови балистички проектили и дронови насочени кон Киев.
Нападот следува само неколку дена по претходниот масовен руски удар врз украинската престолнина, во кој исто така имаше загинати и десетици повредени.
Russia's overnight missile and drone attack on the Kyiv region killed 14 people and injured 27. pic.twitter.com/bQhiec1YY4
— Clash Report (@clashreport) August 5, 2026
