Непознат проектил погодил товарен брод во Ормускиот теснец

Товарен брод бил погоден од непознат проектил во Ормускиот теснец, во близина на брегот на Оман, соопшти Британската агенција за поморски трговски операции (UKMTO). Инцидентот се случил на околу 37 километри североисточно од оманскиот град Касаб, а засега нема информации за евентуални жртви или за обемот на штетата.

Од UKMTO соопштија дека е во тек истрага за околностите под кои дошло до нападот. Ормускиот теснец останува една од најчувствителните светски поморски рути, а спорот околу пловидбата низ него е едно од главните жаришта во односите меѓу Иран и САД. Иран и понатаму инсистира бродовите да се движат по рутата што ја одредил Техеран, оценувајќи ја како единствено безбедна.