(Видео) Со ребалансот на буџетот се отвора патот за реализација нови проекти во Гази Баба

„Советот на општина Гази Баба на денешната седница го усвои ребалансот на буџетот, со што се отвори патот за реализација на повеќе од 60 нови проекти во различни населени места низ целата општина,“ информираше градоначалникот Бобан Стефковски преку социјалните мрежи.
Како што посочи, со оваа одлука, влегуваат во нова фаза на забрзан локален развој, која ќе се одвива со полна пареа во текот на летото и есента.
„Станува збор за проекти кои ќе значат подобрување на инфраструктурата, реконструкција на локални патишта, уредување на јавни површини, градење на детски игралишта, спортски зони и други значајни иницијативи за подобрување на квалитетот на живот на граѓаните,“ додаде Стефковски.