Собранието денеска треба да го избере Зулфиќар Зејнула за министер без ресор, со што ќе биде комплетирана реконструкцијата на Владата и изборот на новите министри.
Зејнула е претседател на Демократската партија на Турците, а на почетокот на јули потпиша договор за политичко партнерство со премиерот Христијан Мицкоски.
Тој е роден во Гостивар и по професија е дипломиран криминолог. Во периодот од 2021 до 2024 година ја извршуваше функцијата заменик-директор на Дирекцијата за заштита и спасување, додека од 2018 до 2021 година беше советник во Општина Гостивар.
Со неговиот избор ќе биде заокружен процесот на реконструкција на Владата, откако на 13 јули Собранието ги избра останатите осум министри предложени од премиерот Христијан Мицкоски.
Поврзани вести:
МОЖЕБИ ЌЕ ВЕ ИНТЕРЕСИРА: