Француската фудбалска ѕвезда Килијан Мбапе ги смири навивачите по повредата што ја заработи во четвртфиналниот натпревар против Мароко на Светското првенство 2026, порачувајќи дека нема причина за загриженост.
Франција избори место во полуфиналето со победа од 2:0, а Мбапе беше еден од стрелците. Напаѓачот на Реал Мадрид го отвори резултатот во 60. минута, додека конечните 2:0 ги постави Усман Дембеле само шест минути подоцна.
Во 76. минута Мбапе почувствува болка и побара лекарска помош, по што беше заменет со Жан-Филип Матета. Иако неговото напуштање на теренот предизвика загриженост кај француските навивачи, тој самостојно излезе од игра и подоцна беше забележан на клупата со лед на десниот зглоб.
По натпреварот кратко ја коментираше својата состојба.
„Добро сум.“
Со оваа порака Мбапе испрати јасен сигнал дека очекува да биде подготвен за настап во полуфиналето.
Покрај победата, францускиот ас испиша уште една страница во својата кариера. Со голот против Мароко стигна до бројката од 20 погодоци на 20 настапи на светските првенства, потврдувајќи го својот статус на еден од најдобрите играчи на денешницата.
Франција во полуфиналето ќе настапи на 14 јули во Арлингтон, Тексас, каде ќе се сретне со победникот од дуелот меѓу Шпанија и Белгија.
