Проширувањето е во движење. Македонија припаѓа на европското семејство. Кога сакате, испорачувате квалитет со брзо темпо. Вратата е отворена, пошироко отколку кога било во една генерација. Сега е време да се испорача и да не се троши повеќе време на изговори. Мојот апел денес е да не го пропуштите овој прозорец на можност. Искористете го. Тоа е во ваши раце, истакна еврокомесарката за проширување Марта Кос која денеска престојува во посета на Македонија.
Таа потенцираше дека Македонија постигнала силен напредок во рамките на Реформската агендата и може да очекува поголема финансиска поддршка од Унијата и ја охраби македонската влада да продолжи со реформите и со преговорите за пристапување бидејќи европските лидери сè повеќе го поддржуваат проширувањето.
-Најјасната сигурност што ја има Македонија е веќе во писмена форма. Откако ќе се усвојат уставните измени, ќе се одржи следната меѓувладина конференција. Откако ќе се направи овој чекор, верувам дека Македонија природно ќе им се придружи на водечките земји: Црна Гора, Албанија, Молдавија и Украина, рече Кос.
