Вардар уште на стартот од квалификациите за Лигата на шампиони доживеа тежок пораз од 0:2 на домашен терен од финскиот КуПС и сериозно си ги намали шансите за европска есен.
Натпреварот покажа дека клубот во новата сезона влегол со лоши подготовки, без јасен план и без препознатлива игра. На теренот Вардар делуваше анемично, без идеја, без стратегија и без вистинска реакција во ниту еден дел од мечот.
Но, аматеризмот не заврши само на тревникот, туку беше видлив и надвор од него, бидејќи натпреварот речиси и да не беше соодветно промовиран преку медиумите и социјалните мрежи за да привлече повеќе публика на трибините.
Клуб со европска традиција не смее да си дозволи ваков организациски и спортски пристап ако сака повторно да биде фактор на меѓународната сцена. Ако нешто брзо не се промени и во играта и во начинот на функционирање, европската есен ќе остане само желба, а не реална цел.
