Меѓународниот аеродром „Катанија-Винченцо Белини“ на Сицилија и денеска останува затворен поради засилената вулканска активност на Етна, поради што сите летови се пренасочуваат кон аеродромот во Палермо.
Авиокомпаниите организираат автобуски превоз за патниците, додека меѓу превозниците погодени од прекинот се „Рајанер“, „Изиџет“, „Визер“, КЛМ и „Луфтханза“.
Етна вчера повторно почна да исфрла пепел, поради што аеродромот, кој се наоѓа на околу 45 километри од вулканот, беше затворен за авиосообраќај.
Според најновиот извештај на Вулканолошката опсерваторија за воздухопловство, објавен утрово, вулканскиот облак достигнал височина од околу 4.500 метри.
Италијанската цивилна заштита уште на 26 јуни го зголеми нивото на тревога од зелено на жолто, откако беше регистрирано зголемување на вулканските потреси. Минатата недела беа објавени и снимки од дрон на кои се гледаат реки од лава што се спуштаат по падините на вулканот.
Етна, висок околу 3.300 метри, е најголемиот активен вулкан во континентална Европа.
