21-годишник од Скопје лишен од слобода за обљуба врз малолетничка, неговиот пријател со телефон го снимал целиот чин

Полициски службеници од СВР Скопје вчера попладне го лишиле од слобода 21-годишниот С.Б. од Скопје, кој се сомничи за обљуба врз малолетничка, соопшти Министерството за внатрешни работи.

Според информациите од МВР, истиот ден во 13:20 часот, жена од Скопје пријавила дека на 3 јули на подрачјето на Шуто Оризари, осомничениот се обидел да изврши обљуба врз нејзината 16-годишна ќерка.

Во пријавата било наведено и дека пред околу шест месеци истиот осомничен извршил обљуба врз малолетничката, а настанот бил снимен со мобилен телефон од страна на негов пријател.

Од МВР информираат дека по целосно документирање на случајот против осомничениот ќе биде поднесена соодветна кривична пријава.