ВЛЕН синоќа ги потврди имињата на новите министри во реконстриураната Влада. Универзитетскиот професор Џетон Шасивари ќе го води ресорот правда, министер за односи меѓу заедниците ќе биде Агон Ферати, додека за министер за култура и туризам е предложен Седат Сулејмани.
Во новиот владин состав продолжуваат да ги извршуваат своите функции Беким Сали како прв заменик-претседател на Владата и министер за европски прашања, Бесар Дурмиши како министер за економија и труд, како и Мухамет Хоџа како министер за животна средина и просторно планирање.
„ВЛЕН решително продолжува по патот на промените, носејќи нова енергија, професионални кадри и одговорен пристап кон владеењето. Со овој тим, ВЛЕН повторно ја потврдува својата посветеност на реформите, развојот и достоинственото застапување на интересите на граѓаните“, соопштија од партијата.
