Три лица се повредени, од кои две се во критична состојба, во силна експлозија што вечерва се случи во станбена зграда во Монако. Според првичните информации, властите се сомневаат дека станува збор за терористички напад, а полицијата интензивно трага по осомничениот.
Повредените се членови на исто украинско семејство, меѓу кои и украинскиот бизнисмен Вадим Јермолаев, кој е во тешка состојба.
Безбедносните камери снимиле маж како остава ранец пред влезот на зградата, а експлозивната направа детонирала во моментот кога семејството влегувало во објектот. Осомничениот по експлозијата побегнал пеш, а засега не е утврдено дали семејството било конкретна цел на нападот.
Во Монако е активиран вонреден „црвен план“, додека во истрагата се вклучени и француските безбедносни служби, кои поставиле засилени контроли на границата.
Според властите, ова е прв ваков напад во историјата на Кнежевството, а истрагата треба да ги утврди мотивите и идентитетот на напаѓачот.
At approximately 9:05 p.m. local time, a deliberate explosion occurred on Rue Révérend-Père-Louis-Frolla in Monaco.
CCTV footage captured a man placing a backpack containing a booby-trapped explosive device filled with bolts and metal pellets designed to cause maximum injury to… pic.twitter.com/HyvazIXgAJ— T_CAS videos (@tecas2000) June 29, 2026
